كل ما يهم اهل الصعيد من معلومات و ابداع


    مكروونه بالباشميل

    شاطر

    بنت بندار
    وسام الاشراف

    الجنس : انثى
    الابراج : السرطان
    عدد الرسائل : 194
    تاريخ الميلاد : 18/07/1967
    العمر : 50
    نقاط : 419
    تاريخ التسجيل : 11/09/2012

    مكروونه بالباشميل

    مُساهمة من طرف بنت بندار في الإثنين 15 أبريل - 22:47:49

    موضوعنا النهاردة ان شاء الله
    المكرونة بالبشاميل بس بطريقتى الخاصة واللذيذة
    المقادير
    كيس مكرونة قلم
    لحمة مفرومة متعصجة
    بصلة
    البشاميل ( 3 كوب لبن - 2 كوب شربة - 5 ملاعق اكل ممتلئة نشا - مثلثين نستو - ملح وفلفل وحبهان مطحون)
    بيضة او اتنين للوجه فقط
    الطريـــــــــــــــــقة
    اول حاجة نسلق المكرونة

    ونشوح بصلة مقطعة صغير مع شوية زيت على النار حتى يبقى لونها ذهبى جميل ثم نضع عليها المكرونة المسلوقة ونقلب ثم نطفى النار
    ثم نعمل البشاميل وده سر مكرونتى
    نضع اللبن والشربة والنشا كل ده على البارد ثم نضعهم على النار ونضع مثلثين نستو يكون طعمها جميل مع التقليب السريع المستمر حتى تتقل زى المهلبية وتتختخ كده ثم نطفى النار ونبله بالملح والفلفل والحبهان المطحون وشوفوا البشاميل كريمى وروعة


    ثم نضع ربع كمية البشاميل على المكرونة ونقلبهم مع بعض
    ثم ندهن صينية المكرونة بتاعتنا ندهنها باييييييه دى التكة بتاعتى بقى اللى مش حتخلى قعر المكرونة يلزق فى الصينية وهى طماطماية مبشورة مع سمنة وندهن بيهم الصينية وحتلاقى بعد سوى المكرونة وغرفها مفيش اى اثر لقعر المكرونة فى الصينية


    ثم نفرد طبقة من المكرونة فى الصينية

    ثم نضع اللحمة المتعصجة

    ثم نضع الطبقة التانية من المكرونة ونفرد عليها البشاميل

    ثم نرب البيض ونصبه على الوش وندخل الصينية الفرن حتى تستوى

    وتقدم بعد ماتبرد شوية علشان تبقى ماسكة نفسها وبالف هنا وشفا



    اتمنى وصفتى تعجبكم

      الوقت/التاريخ الآن هو الإثنين 23 أكتوبر - 22:24:54