يا حبيبى يا جدو..
قبلت وجه رب كريم ودخلت عالم الخلود السرمدى النورانى العظيم ، وسبتنى من بعدك فى الدنيا الفانيه ، اتخبط مع عالم لبط ، مشاكيح،واتبهدل على يد ناس حثاله دهماء،لا اصل ولا فصل ولا شجره عيله ، ولا ليهم لزمه فى الكون .. لكن تقول ايه ..(( شبعه من بعد جوعه ))، وفلوس مع التيوس ، وسبحان المعطى من بعد الشبشب والقبقاب وخسيس قال للاصيل تعالى اشتغل عندنا خدام .. ضحك االاصيل(ها هئ هىىىى)وقال انااطلع فوق جبل عالى وتاكلنى الحدادى والغربان ولا يقولوش الاصيل اشتغل عند الخسيس خدام (!)
خسارتك يا جدى العظيم
مالحقتش اغانى شفيق جلال ، ولا عاصرت احداث 11 سبتمبر ولا حضرت حرب العراق ولا استشهدت فى حرب 48 ، ولا مشيت فى ثوره 19 ولا حتى طلعت فى هوجه عرابى ، ولا شفت فيلم (( تايتنك )) !
اتخطفت بدرى .. الله يرحمك ، ويبشبش الطوبه اللى تحت راسك ، ويجعل مثواك الجنه ونعميها..
لا عمرك تابعت قناه فضائيه ، ولا دخلت (( انترنت كافى )) ولا فكرت تشترى خط بيزنس من شركه (( ام نبيل )) ومع ذلك كنت جهبذ وفلته عصرك واوانك حكيم مستنير تقدس العلم وتبجل الفنون ومن يومك وانت هاوى رسم ونحت وحساب مثلثات..
لوكانوا عملوا كليه الفنون الجميله على ايامك ، كانوا جابوك العميد بلا منازع او منافس .
ومش بعيد لو كنت لحقت (( مكتب التنسيق )) كنت دلخت الهندسه وبقيت محامى قد الدنيا وفتحت اكبر صيدليه فى مصر لكن القدر اقوى من كل شئ ، واهى ارزاق مقسمها الخلاق ، نصيبك تشتغل فى المقاولات واسمك يبقى اشهر من النار على العلم . والناس كلها لسه فكراك وبتشكر فيك واروح اى حته الاقى سيرتك زى المسك وابقى ماشيه كده وسط العالم منفوخه وفشخوره ومش طايقه نفسى من الغرور والابهه لذلك حفيدتك حببتك لسه على العهد .. مازلت اسكن فى شارع العيله القديم ،
حيث عشت انت وبنيت اهم مشاريعك ، وخصصت المكان المناسب لمدافن الاسره الكريمه .. مازلت ياجدو اسكن شارع الهرم ، على مقربه شديده من هرمك الاكبر ،المسمى باسمك الخالد المهيب ، عنونا لاحدى عجائب الدنيا السبع . جدى (( خوفو )) الحبيب .. تعالى شوف الحوسه الابديه والخيبه القويه اللى لا كانت على البال ولا فى النيه .. تخيل يا جدو عليتنا اتفركش ، واموالنا اتاممت واكل الفول ابو سوسه ، والعيش المدعم ، وزيت التموين ، طمس اخر عرق للعبقريه فى سلالتك المصريه . احفادك يا جدو خوفو ، خدوا صفر فى المونديال وبتوع الفيفا قالوا عنهم (( اجروا .. بلا لعب عيال )) وعارف ايه كمان .. بنستورد القمح ، وبنلوث النيل ، وعلينا ديون للدول الاجنبيه ، وبنبنى فوق الارض الزراعيه ، والفرع الفقير فى العيله بقى كبير ، كلهم بيغنوا ( عشا الغلابه عليك يا كريم ))وصوابع رجليهم طالعه تلعب من الشراب ، ورحتها مقرفه خالص
جدو .. جدو .. اقولك سر ؛
سنه ساته ابتدائى اتلغت ورجعت 3 مرات ورا بعض ، ودفعنا 6 مليار جنيه فى 5 سنين ، تمن فواتير التلفون المحمول بس ..
وكل سنه ندفع 12 مليون جنيه فى اللبان المستورد ومليار جنيه تانى على الشاى والقهوه والسجاير ..
تعرف يا جدو ..
انا شاطره ، باشرب اللبن ابو 160 قرش الكيلو ، وانام بدرى ، واسمع الكلام وباذاكر ومش بعمل اى شقاره خالص .. بس بقيت زهقانه قوى .. الدنيا حر والهوا فيه حاجات سودا وبتدخل المناخير تخنق الزور وتجيب امراض للناس . امبارح اتفرجت على الدش وشفت اغنيه ريكو راحت عليكى يا دنيا وراح زمن الشهادات وبقيتى يا دنيا ماشيه ع السقفه وع الصاجات هزيها بالراحه بالراحه .. تفضلى على طول مرتاحه
يعنى ايه يا جدو هزيهه براحه براحه ؟
على فكره اصحابى الشاطرين زهقانين قوى ومكتئبين ونفسهم يسافروا كلهم بره .. حتى احفادك يا جدو فى المتحف المصرى -38 تمثال دهب فى مجموعه توت عنخ امون -اختفوا فص ملح وداب ولا حد يعرف عنهم حاجه باينهم هم كمان زهقوا وطهقوا ،وجابوا فيزا على اوروبا وقالوا يا فكيك .. بيقولوا الدنيا هناك نضيفه الناس بتفهم وتقدر العيشه نزاجه ،والحياه نظام ، وكله فى الاوكيه و ((الباسيه كمبوزيه))..جدو ..وحياتى ..انا عارفه انك مهم وحبايبك كتير فى انحاء العالم ..ممكن تجبلى عقد عمل فى فرنسا؟
او منحه دراسيه فى ايطاليا؟
او اتعين مديره فى اى شركه انجيلزى كبيره وخلاص..ان كان على الشغل .. انت عارفنى ( فريكيكو)وافوت فى الحديد وان كان على اللغه مفيش مشكله ابدا وانا حتى بلسانين ونبيهه وعشريه واحب الرط واللى اقوله اعيده وكلها يومين وابقى برابند
قبلت وجه رب كريم ودخلت عالم الخلود السرمدى النورانى العظيم ، وسبتنى من بعدك فى الدنيا الفانيه ، اتخبط مع عالم لبط ، مشاكيح،واتبهدل على يد ناس حثاله دهماء،لا اصل ولا فصل ولا شجره عيله ، ولا ليهم لزمه فى الكون .. لكن تقول ايه ..(( شبعه من بعد جوعه ))، وفلوس مع التيوس ، وسبحان المعطى من بعد الشبشب والقبقاب وخسيس قال للاصيل تعالى اشتغل عندنا خدام .. ضحك االاصيل(ها هئ هىىىى)وقال انااطلع فوق جبل عالى وتاكلنى الحدادى والغربان ولا يقولوش الاصيل اشتغل عند الخسيس خدام (!)
خسارتك يا جدى العظيم
مالحقتش اغانى شفيق جلال ، ولا عاصرت احداث 11 سبتمبر ولا حضرت حرب العراق ولا استشهدت فى حرب 48 ، ولا مشيت فى ثوره 19 ولا حتى طلعت فى هوجه عرابى ، ولا شفت فيلم (( تايتنك )) !
اتخطفت بدرى .. الله يرحمك ، ويبشبش الطوبه اللى تحت راسك ، ويجعل مثواك الجنه ونعميها..
لا عمرك تابعت قناه فضائيه ، ولا دخلت (( انترنت كافى )) ولا فكرت تشترى خط بيزنس من شركه (( ام نبيل )) ومع ذلك كنت جهبذ وفلته عصرك واوانك حكيم مستنير تقدس العلم وتبجل الفنون ومن يومك وانت هاوى رسم ونحت وحساب مثلثات..
لوكانوا عملوا كليه الفنون الجميله على ايامك ، كانوا جابوك العميد بلا منازع او منافس .
ومش بعيد لو كنت لحقت (( مكتب التنسيق )) كنت دلخت الهندسه وبقيت محامى قد الدنيا وفتحت اكبر صيدليه فى مصر لكن القدر اقوى من كل شئ ، واهى ارزاق مقسمها الخلاق ، نصيبك تشتغل فى المقاولات واسمك يبقى اشهر من النار على العلم . والناس كلها لسه فكراك وبتشكر فيك واروح اى حته الاقى سيرتك زى المسك وابقى ماشيه كده وسط العالم منفوخه وفشخوره ومش طايقه نفسى من الغرور والابهه لذلك حفيدتك حببتك لسه على العهد .. مازلت اسكن فى شارع العيله القديم ،
حيث عشت انت وبنيت اهم مشاريعك ، وخصصت المكان المناسب لمدافن الاسره الكريمه .. مازلت ياجدو اسكن شارع الهرم ، على مقربه شديده من هرمك الاكبر ،المسمى باسمك الخالد المهيب ، عنونا لاحدى عجائب الدنيا السبع . جدى (( خوفو )) الحبيب .. تعالى شوف الحوسه الابديه والخيبه القويه اللى لا كانت على البال ولا فى النيه .. تخيل يا جدو عليتنا اتفركش ، واموالنا اتاممت واكل الفول ابو سوسه ، والعيش المدعم ، وزيت التموين ، طمس اخر عرق للعبقريه فى سلالتك المصريه . احفادك يا جدو خوفو ، خدوا صفر فى المونديال وبتوع الفيفا قالوا عنهم (( اجروا .. بلا لعب عيال )) وعارف ايه كمان .. بنستورد القمح ، وبنلوث النيل ، وعلينا ديون للدول الاجنبيه ، وبنبنى فوق الارض الزراعيه ، والفرع الفقير فى العيله بقى كبير ، كلهم بيغنوا ( عشا الغلابه عليك يا كريم ))وصوابع رجليهم طالعه تلعب من الشراب ، ورحتها مقرفه خالص
جدو .. جدو .. اقولك سر ؛
سنه ساته ابتدائى اتلغت ورجعت 3 مرات ورا بعض ، ودفعنا 6 مليار جنيه فى 5 سنين ، تمن فواتير التلفون المحمول بس ..
وكل سنه ندفع 12 مليون جنيه فى اللبان المستورد ومليار جنيه تانى على الشاى والقهوه والسجاير ..
تعرف يا جدو ..
انا شاطره ، باشرب اللبن ابو 160 قرش الكيلو ، وانام بدرى ، واسمع الكلام وباذاكر ومش بعمل اى شقاره خالص .. بس بقيت زهقانه قوى .. الدنيا حر والهوا فيه حاجات سودا وبتدخل المناخير تخنق الزور وتجيب امراض للناس . امبارح اتفرجت على الدش وشفت اغنيه ريكو راحت عليكى يا دنيا وراح زمن الشهادات وبقيتى يا دنيا ماشيه ع السقفه وع الصاجات هزيها بالراحه بالراحه .. تفضلى على طول مرتاحه
يعنى ايه يا جدو هزيهه براحه براحه ؟
على فكره اصحابى الشاطرين زهقانين قوى ومكتئبين ونفسهم يسافروا كلهم بره .. حتى احفادك يا جدو فى المتحف المصرى -38 تمثال دهب فى مجموعه توت عنخ امون -اختفوا فص ملح وداب ولا حد يعرف عنهم حاجه باينهم هم كمان زهقوا وطهقوا ،وجابوا فيزا على اوروبا وقالوا يا فكيك .. بيقولوا الدنيا هناك نضيفه الناس بتفهم وتقدر العيشه نزاجه ،والحياه نظام ، وكله فى الاوكيه و ((الباسيه كمبوزيه))..جدو ..وحياتى ..انا عارفه انك مهم وحبايبك كتير فى انحاء العالم ..ممكن تجبلى عقد عمل فى فرنسا؟
او منحه دراسيه فى ايطاليا؟
او اتعين مديره فى اى شركه انجيلزى كبيره وخلاص..ان كان على الشغل .. انت عارفنى ( فريكيكو)وافوت فى الحديد وان كان على اللغه مفيش مشكله ابدا وانا حتى بلسانين ونبيهه وعشريه واحب الرط واللى اقوله اعيده وكلها يومين وابقى برابند
