من طرف ابن مصر الأحد 10 يوليو - 16:01:44
أخى وحبيبى الشريف يوسف الجودى انت فعلا تستحق تحية كبيرة
على هذا الإبداع وفقك الله
وتقبل منى هذة الأبيات
عجبي عليك يا زمن بترسي ناس ع البر
وناس تفوت في البحر قاسو العذاب و أمر
وناس غلابى رزقهم من خرم ابره يمر
عايشين في كده في المحن ولا شافو لحظه تسر
وناس كده ألوان شبعان يزق جعان
وناس تواصل ضحكها .. وناس بتمسح دمعها
وناس بتشرب عسل وناس بتشرب مر
عجبي على فرعين كانو أصلهم واحد
واحد غرز في الطين واللي طلع واحد
يا موزع الرزق م بينساش ولا واحد
انا اللي رميت الزهر م داني ولا مره
ونا اللي خاني زماني يا ناس وعيشتي بقت مره
انا طرحت شجره يا عيني من حب الناس وسقيتها
من قلة البخت يا عيني بقت تطرح ويجي طرحها بره
يا عيني ع اللي مال بخته ولا حد حاسس بيه
م دقش طعم الهنا والمر حاسس بيه
وده راح لشيخ عالم يحكيله ع اللي فيه
قلو عليك بالصبر دا الصبر احسن دوا
للي فؤاده انكوى ولا حد حاسس بيه
يا نجمه ي اخت القمر قوليلي مال بختك
اسمر وطبعه الدلع بهواه ومال بختك
يا حلو خالفتني ومشيت على كيفك
وصاحبت ناس يا جميل سلبو عقلك وتلفو كيفك
سنتين وشهرين ونا سايبك هاى كيفك
وكيف العمل يا جميل لو انعدل كيفك
انا اطلب من الله يرجعك لأصلك وتلاقي عندنا كيفك
يا عيني بلبل وطار في الهوا من بعد ما ربيته
وده خان الوداد ليه دا كان دبلان وحييته
الحق عندي انا اللي م مسكت جناحه وقصيته
انا قلت يا بلبل مصيرك ترجع لعشك تاني
ياما نصحته كثير البلبل وهديته
وده يكره يدوق الندم ويكون العشي انا وديته
