قناة الصعايده الفضائيه 2

الموضوع يارجاله مش هزار الصعايده فى اشد الاحتياج لهذه القناه ببساطه شديده الصعايده طول عمرهم مظلومين اعلاميا الاعلام من خلال الافلام والمسلسلات يصور الصعيدى عبيط ... غبى ... ساذج ... لايفهم شىء فى اى شىء حتى لو عملوا قصه واقعيه تجد الصعيدى اما هارب من تاااار .... او يبحث عن تاااار ... الصعيد ليس بهذا العبط الاعلامى حتى اللهجه ليست صعيديه متقنه .... الصعيد الذى انجب جمال عبد الناصر . احمد بهاء الدين . جلال الدين السيوطى .. عمر مكرم الاسيوطى الذى دافع عن رشيد .. العقاد .. طه حسين .. وغيرهم وغيرهم حدث ولا حرج هذا الجزء من ارض الكنانه لا يستحق الظلم اعلاميا نكت بايخه افلام سخيفه ( فاكرين فيلم ابو العربى ) عندما ظهر فيلم ابو العربى الاخوه فى بورسعيد طالبوا بوقف الفيلم مع ان الفيلم لم يجرح احد واحنا طول عمر النكت تقولك واحد صعيدى ........وبعدين استبدلوها بكلمه واحد بلدياتنا حرررررام لازم نقف لاى حد يمس الصعيدى بأى كلمه جارحه وعلى فكره اى واحد يفكر ان الصعيدى غبى هو انسان اشد غباء لان الصعيدى طول عمره رااااااجل وخير دليل على ذلك ان منطقة تجنيد اسيوط اغلب المجندين منها بيسافروا الاسماعيليه بورسعيد السويس سيناء اما مناطق تجنيد بحرى بيسفروا الاسكندريه مطروح دهشور ... ولاتعليق لازم ندافع عن انفسنا ولان انا عمدة المنتدى امرت الغفر يطخو اى حد يقول نكته على الصعايده