نهيتك ما انتهيت .... و الطبع فيك غالب
---إلى شهداء صلاة الفجر على أسطول الحرية ---
صدق اللي قال
نهيتك ما انتهيت ... و الطبع فيك غالب
و ديل النتن ياهو ... عمره ما ينعدل
و لو علقوا فيه قالب
قلبي معاك
ياللى سقت القارب
و روحي فداك
ياللى وقفت و صليت الفجر
مع إنك داخل على جحر العقارب
و باهتف باسمك
ياللى رفعت صباعك توحد ربك
ف قلب سجن التعالب
رديت لي روحي من بعد طول الخنقة
و من بعد كتر المصايب
خليتني شميت نفس نضيف
بعد ما كان العار بعزمه على الشطوط هابب
فكرتني باللى مضى
يا حر يا كريم الأصل يا أصيل المواهب
و غلاوة روحك الغالية
اللي متعلقة في قنديل تحت العرش
يا شهيد الحرية و الحرارة
دمك مش حيروح هدر
برغم طول المرارة
و غلاوة ضفاير بهية
و دم زعفراني حارس النيل القديم
باحلفلك بالله
اللي على كل صعب قادر و غالب
لاقطع لك ديل النتن ياهو
و اشيللك القالب
