فرض الصلاة صعب قوى

انا عارفة ان فى ناس كتير بتبقى مشكلتها الصلاة اللى وراة شغل واللى مشغولة بولدها وشغل البيت واللى كسلانة ومش قادرة تقوم
وانا بعتبر اذا كان دة خطا كبير منكم لكن مش ذنبكم
الخطا الاساسى خطا البيت اللى مقدرش يعلم اولادة وهما صغيرين ازاى يحافظوا على الصلاة
لان الصلاة بالرغم انها 5 مرات فى اليوم وكلها لاتتعدى مدتها نصف ساعة فى 24 ساعة عدد ساعات اليوم
لكن المداومة عليها بالنسبة للى مش متعود عليها من الصغر صعبة جدا
انا عن نفسى عشان التزم بالصلاة لما كبرت تعبت جدا وكانت مشقة علية وكنت ساعات اصلى فرض وفرض ما اصلهوش او يوم اة ويوم لا
لحد ما الحمد الله قدرت التزم
عشان كدة حبيت انقولكم خبرتى وتجربتى بطريقة بسيطة نتعاون فيها على الالتزام بفرض الله
وحيكون الموضوع مقسم لاكتر من جزء فياريت تتابعونى وتمشوا معايا واحدة واحدة
اسالكم الدعاء
وياريت الاقى ردودكم الجميلة فى الموضوع
والتقيم لانى اتمنى من الله ان الموضوع يتثبت عشان يستفيد بية اكبر عدد من الاخوات
اتركم فى رعاية ولى معكم لقاء

الخطوة الاولى
*الاحساس*
عمركم فكرتوا فى يوم اية معنى الاذان واية الهدف منة
انا عارفة ان فية فتوكة شاطرة قاعدة هناك على الكمبيوتر البعيد دة حتقولى
طبعا عشان يعرفنا بميعاد الصلاة عشان نقوم نصلى
برافو عليكى صح
لكن لية بيبتدى بكلمة الله اكبر
كان ممكن يكون اى كلام تانى
الاذان يا جماعة بيقولكم انتوا دلوقتى على ميعاد مع الله سبحانة وتعالى
مستنيكم ترحولوا عشان يقبلكم
مستنيكم تقفوا قدامة عشان يبصلكم
مستنيكم ترفعوا ايدكم تدعولوا عشان يجيب سؤلكم
حاسين يا فتوكات بالمعنى
انا والله وانا بكتب الكلام دة دموعى بتنزل
عايزكم تجولوا عايزكم تسالوة عايزكم تقربوا منة
انا واللهى بستغرب على اصحاب المناصب لما تطلب منهم مقابلة يحددلك ميعاد بعد اسبوع او اكتر
ولما تبقى عايزة تحجزى عند دكتور مشهور تستنى دورك بالشهر واكتر وتبقى مستنية المقابلة او الحجز على نار وتجهزى فى اليوم دة عشان المقابلة دى
وربنا سبحانة وتعالى ولة المثل الاعلى
محددلنا ميعاد معاة كل يوم 5 مرات
بيقولك يا عبدى اسالنى وادعونى واطلب منى وهو القادر على كل شئ
ورغم كدة مكسلين او مشغولين نرحلة
حاستى معايا بمعنى الاذان
حاسيتى ازاى ربنا بيحددك ميعاد انك تقبلية
سالتى نفسك كم مرة