احسبها صح ............تعيشها صح

فيه اعلان غريب بيطارد الناس فى شوارع المحروسة بالاضافة للتلفزيون

واللى شعارة

تحسبها صح .... تعيشها صح ..

مستفزززززز ..... جدا .... واحد بيوفر في استهلاك المياه

(إللي هي المَيّه يعني!) وهو ده إللي خلاّه يدَخّل ابنه أحسن

مدارس!!!! يا سلااااااام!! طب إيه العلاقه؟؟؟!! .... وواحد تاني

بيوفر فى استهلاك الكهربا واللقطة اللى بعدها المحروس بيجرى ورا

عياله فى الشاليه بتاعه فى بورتو السخنة !!! وبعدين رمش العين وفرت

من مصروفها وجابت لاب توب !!! مصروف إيه فى ليلتكم الزرقا على

دماغكم إللى بيجيب لاب توب ده؟!!! وطبعا فى الاخر الجملة الاكثر

استفزاززززززززز فى المجرة الارضية واللة متعديش حتى على الهنود

( على فكرة احلى تحية للهنود بتوع النووى )

..... احسبها صح ... تعيشها صح .... وعليه......

خدوا عندكم بقا.... هِيّا جت عليّا انا يعنى ؟؟؟!! ...

توتى وفر فى فلوس المخدرات بتاعته وجاب عربية هامر جديده !!

تحسبها صح .... تعيشها صح

نوسة وفرت من فلوس الديسكو وسافرت فرنسا الصيف اللى فات

وفى الغالب مش راجعه !! تحسبها صح .... تعيشها صح

سهير بتشرب علبة سجاير واحدة بس بدل اتنين وبفلوسها حجزت

شهر فى الفورسيييييزووون فى الرويال سويت!

تحسبها صح .... تعيشها صح

حنكش قلِّب باقية فلوس العيش اللى مامته كانت بتديهالو

وبيهم دفع مصاريف الجامعة الامريكية !!

تحسبها صح .... تعيشها صح

عم حسين بواب العمارة وفر من التيبس اللى بياخدوا من السكان

واشترى رونالدينهو بتاع البرازيل !!
تحسبها صح .... تعيشها صح

عادل صاحب شركة استيراد خصم من كل الموظفين 10 ايام وبيهم

جاب خاتم سوليتير للفيونكه بتاعته !!

تحسبها صح .... تعيشها صح

صبحى وفر فى أكل الجبنة الروووومى وجاب فيلا فى التجمع

الخامس بالبسين وجاب عوامة وزة كمان !!

تحسبها صح .... تعيشها صح


طأطأ بطل يجيب الكارت ابو 25 جنية وبيجيب الكارت ابو 10 جنية

وبالفرق دفع المهر والشبكة وعمل فرحه فى لندن وبيقضى

شهر العسل فى الكاريبى !

وانتم ياترى ايه رأيكم فى الاعلان

تحسبها صح .... تعيشها صح!

يا ترى انتى حسبتى اية ووفرتى اية

اصلى انا مهما بحسبها مش بتتوفر دى بتتزنق اكتر

[b]

وانتى ايه الى زنقك فى الكدبه دى هو فيه حد يصدق التلفزيون دا بيزور فى الرسميات والتاريخ وانتى احسبيها بطريقتك وبر ضه مش هتطلع صح..هههههههههههه كل سنه وانتى طيبه

مش زنقة نعسى دا انا بتريق بس
نفسى فى الاحسنوالافضل

نرجو الله ان يكون الغد افضل

يارب يكون افضل