السلام عليكم
مع أرتفاع التكاليف والغلاء المزاد فيه من قبل بعض عمال الدهان وشركات البويات قررت أساعد مع انى عامل من عمال الدهان واقدم لكم شرح مبسط لكيفية دهان الحوائط واللى عاوز يجرب بنفسة يجرب يدهن شقتة بنفسة. بس على مسؤوليتة
وأريد ان اقدم المساعدة لأنى من أهل الخبرة بشرح العملية بالتفصيل المبسط ولكنى هختصر و خصوصا وأنى بحثت كثير فى النت ملقتش حد بيشرح بالتفصيل المبسط
أن انت مثلا قررت أنك تدهن بلاستيك وعرفت أنك لازم تأسس معجون طبقتين بس انت مش عارف مواصفات المعجون وتركيبته فعندك المعجون الجاهز مغرق السوق واوفر من المعجون المتركب
مثلا لو الشقة على المحارة فأرجو منك مساعدتى بفهم اللى انا هقولهولك وتفهمة كويس لأنك مش هتلاقى حد يقولك على سر الصنعة بسهولة وأشكركم مقدما
ويمككن الموضوع يفيد الكثير من أخوانى المقبلين على الزواج وحالهم زى الكرب وزى الزفت ومعهمش فلوس
حبيبى الفكرة مش فى الخطوات
الفكرة هاتبقى تقيلة عليك فى تنفيذ الخطوات
وعموماّ الخطوات
لو هاتشتغل بلاستك
تراشم المحارة . يعنى تشيل اى زيادة عليها
وتدهن الحيطة سيلر ( المادة الخام للبلاستك )
البستلة سعرها بيبدأ من 60 جنية
الدهان ب الرولة
وبعدين تسحب 4سكاكين معجون
الافضل 5 سكاكين عشان الحيطة تستر معاك وميبقاش فى عيوب كتير لأنك عارف شغل مبيضين المحارة البهايم اللى معندهمش ضمير بس مش كل مبيضين المحارة
السكينة الاولى طول . من تحت لفوق والعكس
التانية عكسها . عرض من اليمين للشمال والعكس
التالتة زى الاولى والرابعة زى التانية والخامسة زى الثالثة
وتسنفر الحيطة بـ سنفرة 120 عشان متخططش فى الحيطة
وتكنس الحيطة من التراب وغيرة وتحاول تشيل من عليها اى اتربة
وبعدين تبطن الحيطة بلاستك مطفى . البستلة المطفى بتبدا من 40 جنية دة بلاستيك معفن و ردىء جدا
وتخلى البلاستك خفيف يعنى تخففة بالماء على البستلة تحط 50% مية بس مش عشان توفر تحط 70 % مية
عشان المعجون يشربة ويسد مسام الحيطة وميهدرش معاك فى البلاستك
وبعد كدا بتلقط الحيطة معجون
يعنى الحتة اللى محتاجة معجون تديلها
وبعدين تسنفر بسنفرة ميتة يعنى يعنى مستعملة قبل كدا عشان تبقى حنينة على الحيطة وما تخربش
وبعدين تدى اول وش فى التشطيب وتلقط بردة للحتت اللى محتاجة معجون وسنفرة ميتة بردة
وبعدين تدى وشين تشطيب من اللون اللى انت عايزة
وعلى حسب عايز تشطب مطفى البلاستيك بيبدا من 40 جنية
البلاستك النصف لامع بيبدأ من 75 جنية
البلاستك اللامع بيبدأ من 220 جنية
دا طرق دهان البلاستك
وان شاء الله راح اشرحلك السقف وتشطيب الزيت
