شاب اسمر جاي من اقصى الصعيد
في ايده اليمين ورق التجنيد
وفي ايده الشمال جبنه وسميط
جاي منين ورايح فين يا ولد
معرفش بيقولوا رايح سينا اللي جنب العريش
واول ما وصل قال تمام يا فندم زي ما علموه في مركز التدريب
ما تسترجل ياد ولا انت اشتقت للرجوع
قالي يا دفعه الداخل هنا مفقود
قولتله يا فرج الله احنا هنحارب اليهود
قاللي لو كان اليهود كنت خدت السلاح و رمحت رمح وموقفتش الا في تل ابيب
لكن دول ناس لا يفرق معاهم عدو ولا حبيب
بصله وضحك وقبل ما يرد كانت الرصاصه داخله بين عنيه
مات معرفش مات ليه
وهو بيموت افتكر ابوه وهو بيقوله اوعاك يا ولد تموت جبان
ها يابوي
ولدك مات راجل وممتش هربان
بس قبل ما اغمض عنيا كان نفسي اسألك سؤال
هو انا مت ليه وعلشان ايه وهل بموتي نصروا الاسلام
[ندعوك للتسجيل في المنتدى أو التعريف بنفسك لمعاينة هذه الصورة]
كن في الدنيا كانك غريب واترك ورائك الاثر الجميله فاننا في الدنيا ضيوف وما علي الضيوف الا الرحيل
