يا بخت من يقدر يقول...............صلاح جاهين

يابخت من يقدر يقول ....
واللى فى ضميره يطلعه...
يابخت من يقدر يفضفض بالكلام ...
وكل واحد يسمعه...
يقف فى وسط الناس يصرخ .. أأأأه ياناس
ولاملام
يجى الطبيب يحكى له ع اللى بيوجعه ...
يكشف مكان الجرح ويحط الدوا ...
ولو أنكوى
يقدر ينوح
وأنا اللى مليان بالجروح ...
مأقدرش أقول
ماأقدرش أبوح
والسهم يسكن صدرى ماأقدرش أنزعه ...

نظرت فى الملكوت كتير وانشغلت
وبكل كلمة (ليه؟) و (عشانيه) سألت
اسأل سؤال.. الرد يرجع سؤال
واخرج وحيرتى أشد مما دخلت

يا معلم يا معلم يا معلم