ياه :خرج ابن ادم من العدم قلت
ياه:رجع ابن ادم للعدم قلت
وحى بيصير تراب ...تراب بيحيا
الأصل هو الموت ولا الحياه
عجبى
ضريح رخام فيه السعيد اندفن
وحفره فيها الشريد منغير كفن
قلت ياللعجب ...مريت عليهم
الاتنين ريحتهم لها نفس العفن
عجبى
ياما صادفت صحاب وماصاحبتهمش
وكاسات خمور وشراب وماشربتهمش
اندم على الفرص اللى انا سبتهم
والا على الفرص اللى ماسبتهمش
عجبى
أنا شاب لكن عمرى الف عام
وحيد لكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى
امتى الدخول ياباب يامقفول
صبرت ياما واللى يصبر ينول
مين؟ والرد يرجع لى...دقيت سنين
لو كنت أعرف مين انا كنت أقول
عجبى
كان فيه زمان سحليه طول فرسخين
كهفين عيونها وخشمها بربخين
ماتت لكن الرعب لم عمره مات
مع انه فات بدل التاريخ تاريخين
عجبى
ليه يا حبيبتى مابينا دايما سفر
ده البعد ذنب كبير لا يغتفر
ليه يا حبيبتى مابينا دايما بحور
أعدى بحر الاقى غيره اتحفر
عجبى
ياه:رجع ابن ادم للعدم قلت
وحى بيصير تراب ...تراب بيحيا
الأصل هو الموت ولا الحياه
عجبى
ضريح رخام فيه السعيد اندفن
وحفره فيها الشريد منغير كفن
قلت ياللعجب ...مريت عليهم
الاتنين ريحتهم لها نفس العفن
عجبى
ياما صادفت صحاب وماصاحبتهمش
وكاسات خمور وشراب وماشربتهمش
اندم على الفرص اللى انا سبتهم
والا على الفرص اللى ماسبتهمش
عجبى
أنا شاب لكن عمرى الف عام
وحيد لكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى
امتى الدخول ياباب يامقفول
صبرت ياما واللى يصبر ينول
مين؟ والرد يرجع لى...دقيت سنين
لو كنت أعرف مين انا كنت أقول
عجبى
كان فيه زمان سحليه طول فرسخين
كهفين عيونها وخشمها بربخين
ماتت لكن الرعب لم عمره مات
مع انه فات بدل التاريخ تاريخين
عجبى
ليه يا حبيبتى مابينا دايما سفر
ده البعد ذنب كبير لا يغتفر
ليه يا حبيبتى مابينا دايما بحور
أعدى بحر الاقى غيره اتحفر
عجبى
