شرح كامل للفورمات

بسم الله الرحمن الرحيم

الموضوع ده انا بهديه لكل واحد عايز يتعلم الفورمات وهو موضوع كامل مكمل والكمال لله طبعا وهنا أنا كمان هذكر البرامج الضرورية الي لازم تنزل على كل كمبيوتر بعد تحميل الويندوز مش هطول عليكم وهخليكم مع الشرح

انت هتدخل ال Cd الخاص بالويندوز تمام بعدين تخلي الكمبيوتر يعمل اقلاع من الcd room حتقولي ازاي وانا هقولك خليك ماشي معايا ومع الصور هتدخل على الدوس وذلك عن طريق انك تعيد تشغيل الكمبيوتر بعدين في العشر ثوان الاوائل عند فتح الجهاز تضغط على f2 أو delete وطبعا ده بيرجع الى نوعية الماذ بورد بس انت جرب واحد فيهم وبعدين الكمبيوتر هيدخل على صفحة لونها ازرق دي صفحة الدوس بعدين تختار كلمة boot

[ندعوك للتسجيل في المنتدى أو التعريف بنفسك لمعاينة هذه الصورة]

دلوقتي بعد ما ضغطت على boot اختار اول خيار وهو (Boot Device priority) اوك كده انت ماشي تمام وسه عليك الموضوع صح ؟؟ طيب خلينا نكمل بعد لما اخترنا الخيار السابق هتيجي علينا اختيارات جديدة وهى
[ندعوك للتسجيل في المنتدى أو التعريف بنفسك لمعاينة هذه الصورة]

دلوقتي انت هتختار الخيار رقم 1 وهو 1st Boot Device بعد لما تأشر على الخيار ده تبدأ تغير الكلمة الي ما بين لقسين الموازية للخيار الي اخترته وذلك عن طريق الأسهم في لوحة المفاتيح الخاصة بك لحد لما تتغير الكلمة وتبقى
CD ROOM

تمام كده ماشي معايا مضبوط؟؟طيب خلينا نكمل كده احنا خلينا الكمبيوتر بالي احن عملناه ده يقلع من الcd room دلةقتي احنا لازم نحفظ الي عملناه علشان ميتغير و ده عن طريق الضغط على F10 بعدين هيظهر لينا الآتي

[ندعوك للتسجيل في المنتدى أو التعريف بنفسك لمعاينة هذه الصورة]

هتختار OK وبكده هنكون حفظنا الشغل الي عملناه والكمبيوتر هيعيد تشغيل نفسه من جديد لوحده . دلوقتي احناهنحط ال CD الخاص بالويندوز في الكمبيوتر تمام ........هاه خلاص حطيته طيب نكمل بعد لما دخلنا ال cd نعيد تشغيل الكمبيوتر تاني وهتطلع لينا الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

الصورة دي مكتوب فيها اضغط أي زرار من لوحة المفاتيح للاستمرار ويجب فعل ذلك بسرعة قبل عشر ثواني تمام بعدين هتطلع الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

لما تطلع الصورة دي نستنى شوية بعدين هتيطلع الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

برده هنستنى شوية كمان بعدين هتطلع لينا الصورة دي
[ندعوك للتسجيل في المنتدى أو التعريف بنفسك لمعاينة هذه الصورة]

هنقوم دلوقتي نختار الخيار الاول وهو طلب تحميل الويندوز
(To Setup Windows Xp Now, Press Enter) وعلشان نختاره نضغط الزر Enter (ادخال) في لوحة المفاتيح . تمام كده معايا .؟؟؟ طيب خلينا نكمل
بعد كده هتظهر لينا الصورة دي [ندعوك للتسجيل في المنتدى أو التعريف بنفسك لمعاينة هذه الصورة]

ودي طبعا الشروط الي هنوافق عليها علشان ننزل الwindows بس طبعا مش هنقرأها . وعلشان نوافق عليها نضغط F8 بعدين هتظهر لينا الصورة التالية
ودي للكمبيوترات الي الهارد بتاعها مش متقسم الى أجزاء
[ندعوك للتسجيل في المنتدى أو التعريف بنفسك لمعاينة هذه الصورة]

أما بالنسبة للناس الي الهارد بتاعهم متقسم هتظهر الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

احنا هنخلي التأشير على الكلمة C: Partition1 ماشي وبعدين هنضغط Enter اما بالنسبة للصورة الاولى الي هى للناس الي الهارد بتاعهم مش متجزأ فهندوس حرف C علشان نقسم الهارد بعدين هتظهر الصورة دي
[ندعوك للتسجيل في المنتدى أو التعريف بنفسك لمعاينة هذه الصورة]

هنقوم نأشر على الرقم16371 بالاسهم طبعا بعيدين نمشي وراء الخطوات دي

نقوم بعملية رياضية لتوزيع الحجم الكلي على عدد الاقراص اللتي تريد انشائها

مثلاً انا بدي اقسم 16371 الى جزئين بحيث يكون الجزء الاول وهو C حجمه 10,000MB
امسح الرقم الموجود واكتب 10000 في الخانة واضغط Enter يظهر لنا كما في الصورة الثانية الي هى

[ندعوك للتسجيل في المنتدى أو التعريف بنفسك لمعاينة هذه الصورة]


الجزء الجديد الي عملناه
يبقى هناك مساحة 6371 غير مجزئة ارجع بالسهم انتقل الى Unpartitioned Space
واقوم بنفس العملية .. اضغط زر C وتظهر المساحة المتبقية في آخر سطر فقط اضغط Enter

دلوقتي نرجع لمرجوعنا وهو الفورمات هنختار ال C: Partition1
ونضغط Enter بعدين هتظهر لينا الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

هنختار دلوقتي الخيار رقم 1 وهو
Format the partition using the NTFS file system m

والخيار ده بالنسبة للناس الي عنده ويندوز على الجهاز اما بالنسبة للناس الي معندها فهما يختاروا الخيار رقم 3 الي فيه نفس الكلام بس من غير Quick
وبعدين نضغط Enter ملاحظة:لو كان عندك نسخة ويندوز على الكمبيوتر قبل كده وعايز تشيلها وتنزل نسخة تانية أو تنزلها نفسها هتظهر ليك صورة بططلب منك التأكيد على كده وفي الحالة دي نضغط F بعد كده هتظهر لينا الصورة التالية وهى بدأ عملية الفورمات

[ندعوك للتسجيل في المنتدى أو التعريف بنفسك لمعاينة هذه الصورة]

دلوقتي نسيب الجهاز خالص وهو هيشتغل ويظبط نفسه بنفسه طبعا بعد عملية الفورمات ما توصل 100% هتيجي الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

وفي الصورة دي الكمبيوتر بينزل ملفات الويندوز برده نسيبه لحد لما يوصل 100% بعدين هتظهر الصورة التالية:

[ندعوك للتسجيل في المنتدى أو التعريف بنفسك لمعاينة هذه الصورة]

وفي الصورة دي الكمبيوتر هيدي أمر لنفسه بإعادة التشغيل برده نسيبه خالص يكمل لوحده لما الكمبيوتر يعمل اعادة تشغيل ماندوسش على أي حاجة تمام كده دلوقتي هتظهر الصورة التالية
[ندعوك للتسجيل في المنتدى أو التعريف بنفسك لمعاينة هذه الصورة]

بعدين هنستنا بعد كده هتظهر لينا الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

هنا برده الكبيموتر بينزل ملفات الويندوز xp نسيبه خالص منعملش أي حاجة بعد شوية هظهر لينا الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

هنضغط Next بعدين هتظهر الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

هتكت في الحقل بتاع ال Name الاسم الي انت عايزه وتسيب الحقل التاني الي تحته فاضي وتضغط Next بعدين هيجيلك طلب ادخال السيريال بتاع نسخة الويندوز الي عندك في الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

هتدخله وحدة وحدة بعدين تضغط Next بعدين هتظهر الصورة التالية [ندعوك للتسجيل في المنتدى أو التعريف بنفسك لمعاينة هذه الصورة]

في الحقل الي فاضي قدامك ده ده مش هيكون فاضي هو هيكون كاتب فيه اسم الكمبيوتر بتاعك انت بس اضغط Next بعد شوية كمان هتظهر ليك الصورة دي [ندعوك للتسجيل في المنتدى أو التعريف بنفسك لمعاينة هذه الصورة]

الصورة دي عشان تضبط الوقت والتاريخ اضبطه انت بعدين اضغط Next
بعد شوية كمان هتظهر ليك الصورة دي [ندعوك للتسجيل في المنتدى أو التعريف بنفسك لمعاينة هذه الصورة]
اضغط Next من غير ما تغير فيها حاجة وبكده انت تكون خلصت وظيفتك في المرحلة دي وسيب الكمبيوتر يكمل تحميل عادي جدا من غير أي حاجة بعد لما الكمبيوتر يخلص تحميل هو هيعيد تشغيل نفسه بنفسه وبعدين هتطلع الشاشة دي بس مش لكل الناس وبالنسبة للي طلعت ليهم يعملوا الآتي

[ندعوك للتسجيل في المنتدى أو التعريف بنفسك لمعاينة هذه الصورة]

الصورة دي بتطلع أحيانا علشان تظبط حجم صورة الويندوز على الشاشة المهم هنضغط OK بعدين هتظهر لينا الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

هتضغط Ok تاني بعدين هتظهر الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

ننتظر شوية

بعدين هتظهر الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

وهى شاشة الترحيب وتظبيط الاعدادات عند تحميل ويندوز جديد (Windows XP) هتضغط على Next في الاسفل على يمين الصفحة بعيدن تظهر الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

اختار الخيار الثاني وهو No this computer wil connect Directly to the Internet وبعدين اضغط Next بعدين هتظهر الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

بعدين هتقوم تختار الخيار الثاني وهو No Remind me every few Days بعدين تضغط Next وبعدين هتظهر الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

هنا انت هتكتب اسم المستخدم الي انت عايزه في الخانة الاولى فقط واترك باقي الخانات فارغة وبعدين اضغط Next بعدين هتظهر الصوة التالي وهى صورة الخاتمة

[ندعوك للتسجيل في المنتدى أو التعريف بنفسك لمعاينة هذه الصورة]

دلوقتي نضغط Finish

وهتظهر ليك الصورة دي وأكيد كل الناس عارفها وهى
[ندعوك للتسجيل في المنتدى أو التعريف بنفسك لمعاينة هذه الصورة]

ومبروك عليك الفورمات والويندوز الجديد وبعدين نبدأ ننزل البرامج اللازمة واستمتع بالكمبيوتر الجديد وأي حاجة تانية أو استفسار انا حاضر وجاهز للرد

بالنسبة للبرامج هكتبها في الرد القادم ان شاء الله بس ياريت الردود علشان أعرف هل الشرح بسيط ولا صعب

لا تأسفن على غدر الزمان....
لطالما رقصت على جثث الأسود كلاب لا تحسبن.....
برقصها تعلو على أسيادها تبقى الأسود أسود والكلاب كلاب\\ ان شا اللة ينول اعجابكم \رئيس حزب الصمود والتصدى.......