من طرف قصيدة مين السبب
مين السبب ياما مين السبب
مين السبب
فى الحال اللى احنا فيه
والظلم اللى بنعانيه
فى قلبنا نار كل ما نطفيه
يذيد اللهب
مين السبب
مين اللى لم زعيط ومعيط
وعمل وزارة نطاط الحيط
اللى نهبوا اثار البيت
والياقوت والدهب
مين السبب
مين اللى خلى المصريين
فى ملكهم كانهم مستأجرين
كل يوم مواد وقوانين
خلت الشعب اتسلب
مين السبب
مين اللى فتح للمسجين
وسلب ونهب المصريين
وسرق بيوت ودكاكين
بقاله ودهب
مين السبب
فى اللى خد فلوسنا ومشا
ونيمنه من غير عشا
وعلشان هوه ارتشا
سابو يمشى وقال هرب
مين السبب
اللى طلع على العالم مجنون
واللى كرم رقاصه فى التلفزيون
وكليبات واغانى المهم تكون
خارجه عن الادب
مين السبب
مين اللى موت فكرنا
مين اللى دايما ضددنا
أشحال لو مكنتش مننا
اتعجبوا يا اهل العجب
مين السبب
قول رد يا عمنا
دا الموت ليه سبب
مين السبب
